كعكة الشوكولاته الهشه

مرحبا أصدقائي،،،
منخفض جديد و نفس اجواء الاكل مرة تانيه و بدي حد يضبطني حتى ما اضل  بالمطبخ ..لاني بعدها بشعر التعب مع غلبة الاولاد و شغل البيت و شغل بره البيت ..بس الي بحب اشي ما بقدر يبطله..
جاي على بالي كعكة شوكولاته سريعة و سهلة و هاي الوصفة تركيب من افكار المطبخ بس طلعت زاكيه و هشه و حبوها الاولاد على الرغم انهم بحبوا الكيك الي على فانيلا اكتر ..

المكونات :

• 1 كوب طحين
• 1/2 كوب كاكاو
•  كوب سكر 
• نصف ملعقه بيكنج باودر
• ملعقة بيكنج صودا (كربونات)
• بيضة
• معلقة صغيرة فانيلا
• نصف كوب لبن
• نصف كوب ماء ساخن مذوب فيه معلقة صغيره نسكافيه

طريقة العمل : 
تخلط المواد الجافة مع بعض ، و المواد السائلة مع بعض ما عدا النسكافيه
ثم تضاف السائلة فوق الجافة و تخلط برفق للتجانس 

ثم تضاف النسكافيه وتقلب برفق
توضع في قالب الكيك و تخبز تقريبا لمدة 20-25 دقيقه على حراره 180 درجة مئوية
و عندما تخرج من الفرن تقطع و يسكب فوقها الصوص البارد

و تترك لتبرد و تمتص الصوص جيدا.

الصوص:

• معلقتين كاكاو كبار
• كوب حليب
• 4 ملاعق كبار سكر
• معلقة كبيرة زبدة
• ملعقة كبيرة سيرب شوكولاته(اختياري)

تخلط مع بعض على النار حتى تتجانس المكونات و نظل نقلب فيها و ندعها تغلي قليلا على النار مع التحريك المستمر

و صحتين وعافية :)