خبز الشوكولاته

مرحبا أصدقائي ،،،
كيفكم ..شو اخبار هالمنخفض معكم و كيف الثلج و كيف الي ما اثلجت عندهم برضو..بالنسبة النا احنا بمدينة طولكرم ما في ثلج ..بس يوم الاربعاء كان في مطر كتير و ما عرفوا الناس يطلعوا من بيوتهم..اما اليوم على الرغم من انها عطلت كل الدوائر الحكومية و المؤسسات الا انها احسن بكتيير من امبارح و طلت علينا الشمس شوي ..و لكن بحكوا انه بكره و بعده ما في مطر بس جدا باردة ..والله ايدي و انا عم بكتب على الكيبورد بدها تتجمد ..يلا كله فدا الاكل :D
معجنات و شوكولاته ...تركيب و لا أشهى و بدفي اكييد..يلا بينا

المكونات

2 و نصف كوب طحين
1 ملعقة كبيرة خميرة
1 بيضه
كوب حليب دافئ
رشة ملح
1/4 كوب سكر
3/4 كوب شكلاته دهن أي نوع بتحبوه
بيضة مع فانيلا للوجه

طريقة العمل

نعجن العجين كالمعتاد و نتركة ليخمر ساعة و نصف (بس دفوا العجين منيح ب هالاجواء الباردة)

العجينه رح اشكلها على شكل ورده
نقسم العجينه ل 4 اقسام متساوية
نفرد القسم الاول ليصبح سمكه 1/2 سم