مرحبا أصدقائي ،،،
لازم نعمل شيء من المقبلات زاكي و بحرق ولذيذ مع الصواني (صينية بامية ..صينية بطاطا و دجاج ..) و هاي المرة من إعداد زوجي الي عنده متعة في إعداد هذا النوع من المقبلات ... و هي من المقبلات الي كتير بحطوها مع الوجبات في المطاعم ..بس لما تكون شغل بيت و الزيتون شغل بيت و الليمون من الشجرة مباشرة و الخضره طازه ..اكيييد غير :)
المكونات
- كوب زيتون اخضر مقسم نصفين بدون بذور
- ليمونه كبيرة مفرومة مع قشرها قطع صغيرة (لازم قشرتها ما تكون مره او قاسية)
- نصف كوب فليفلة ملونه مفرومه صغير
- ممكن اضافة فليفلة حاره خضراء (قرن صغير)
- حبة بندورة وسط مفرومة ناعم (تكون صلبة)
- بصلة صغيرة مفرومة ناعم
- ملعقة كبيرة شطة حمراء حارة
- ربع كوب زيت زيتون
- ممكن اضافة دبس رمان و جوز (حسب الرغبة)
طريقة العمل
نخلط جميع المكونات مع بعضها و توضع في مرطبان ، يفضل ان تؤكل خلال يومين.
و صحتين و عافية :)
تعليقات
إرسال تعليق