ليالي لبنان

مرحبا أصدقائي،،،
كيف الحال ان شاء الله بخير ..غبت عنكم فترة للاسف ..حياة بتتسارع و اطفال و عمل خارج البيت و شغل البيت والله خليط بتعب و برهق و بمنع الواحد يعمل الاشياء الي بحبها و مع ذلك الا اخبصلي خبوصة (يعني اعمل اكلة :D ).
ليالي لبنان من الحلويات المشهورة و زاكية كتير ..تعالوا نعملها :)

المكونات :

• 5 كوب حليب
• 1 كوب سميد خشن 
• 1بيضة كبيرة
• 2 ملعقة كبيرة سكر
• ماء زهر و مستكة (حسب الرغبة ..احيانا بحب احط مستكة لحالها حتى لا يضيع طعمها ماء الزهر/طبعا ما بنحط كتير لانو بمرمر)
• قشطة علبة للوجه
• فستق حلبي للوجه

طريقة العمل :
نضع السميد و الحليب و الببضة والسكر في الطنجرة على البارد و نخفق جيدا حتى يتجانسوا
نفتح النار تحتهم منخفضة و تبدأ بالخفق بشكل مستمر و لا نرفع النار كثيرا لاننا نريد لحبات السميد ان يتجانسوا و يذوبوا في الحليب و ليس ان يغلظ قوام الخليط (او كما يقال عندنا -بلبط-)نريد ان يكون القوام كالبودينج
نستمر بالتحريط على الهادي حتى يبدا المزيج بالغليان
ثم نضيف المستكة و ماء الزهر
عادة اضع المستكة كما شرحت في الرز بحليب
ثم يسكب المزيج في وعاء بايركس
يترك 5 دقائق ثم يغطى بنايلون ملامس للمزيج حتى لا يجف و تتكون طبقة قاسية
و يترك ليفتر و يوضع بالثلاجة 6 ساعات تقريبا
بعدها يزين بالقشطة و الفستق الحلبي و القطر السميك ..

القطر :
1 كوب قطر
1/2 كوب ماء
عصرة صغيرة ليمون

و صحتين و عافية :)