الكعكة الاسفنجية

مرحبا أصدقائي،،،
شو صعبة الحياة و متعبة بوجود الصغار و ما أصعبها بدونهم .عشان هيك نحمد ربنا و نكتم غيظنا منهم و بتمشي هالحياة :)
الاوقات الي بقدر اعمل اشي بحبه في المطبخ او اكتب على المدونه ،هي اوقات مسروقة :(..قديش حابه اطور حالي بكتير اشياء و ما بلاقي مجال او فرصة مناسبة ..و لكن انا في سعي لاقتناصها دائما :)
و من بيت هالاوقات و خاصة في قعدة البيت هاليومين ..اعملت عدة وصفات ،عرضت بعضهم و لسه في.

المكونات 

• 6 بيضات بدرجة حرارة الغرفة 
• معلقة كبيرة فانيلا سائلة او باودر
• معلقة صغيرة برش ليمون
• 1 كوب طحين
• 1 كوب سكر
• معلقة كبيرة ممسوحة بيكنج باودر
• عصرة ليمون صغيرة 
• معلقتين كبار ماء بارد

الطريقة 

يفصل الصفار عن البياض
يخفق البياض لوحدة مع نصف كوب السكر و عصرة الليمون حتى ينفش و يصبح قوامه كريمي و عند ازلة الخفاقة يعمل قمم بارزة كما في الصورة

نخفق الصفار مع الفانيلا و باقي السكر و بشر اليمون حتى يتكاثف و يفتح لونه كما في الصورة

ثم نضيف ملعقتين ماء بارد و نخفق
نضيف الطحين المنخول مع البيكنج باودر على الصفار و نخلط بخفة باسنخدام معلقة (معلقة السيليكون)حتى يتجانس الخليط و لا نسرف بالخلط
نضيف البياض على الخليط بالتدريج و نخلط كما في الخطوة السابقة
نضع الخليط بقالب قطرة بين 23-26 يفضل حتى تكون ذات ارتفاع جيد
توضع في فرن محمى مسبقا على درجة حرارة متوسطة الى منخفضة لمدة 25-30 دقيقة 

تترك لتبرد جيدا
تحشى هذه الكعكة باي حشوة تفضلينها (فراولة ..اناناس..كراميل..)و سقيها بقطر بارد خفيف او عصير الفاكهه المراد الحشو بها ..
 هذه المرة اكتفيت بتسقيتها بقطر بارد خفيف و حشوها بكريمة و القليل من التشوكلت صوص و تزينها بكرز (عشان سناء الكرز طبعا :) ).

في حال عدم وجود خفاق كهربائي :
يوضع البيض في وعاء على حمام مائي دافئ و يخفق بالخفاقة اليدوية لمدة 10 دقائق او اكثر حتى يصبح المزيج الضعف مثل الرغوة و تضاف باقي المكونات بالتدريج دون المبالغة بالخفق.

و صحتين و عافيه :)