مرحبا أصدقائي،،،
كتير مبسوطة من تفاعل صاحباتي و عيلتي و تشجيعي المستمر..بس يا ريت كل الي بتابعني هون يشاركني بخبراته..بتجاربه سواء في المطبخ..البيت..في كل شأن من شؤون الحياة.حتى نتبادل المعارف و الوصفات.و اكيد هذا بسعدني كتير و اتمنى انه يسعدكم كمان :)
النا يومين عم ناكل كبسه ،عادة بطبخ على يومين و بالذات الكبسة بعمل منها كمية مضاعفة لانها بأرز بسمتي و خفيف بالاضافه لتداخل النكهات فيها و تنوعها.اعملت كبسة بعدة طرق و جربت لحد ما وصلت لطريقة سهلة و زاكية و ما فيها فلسفة.
بس هاد ما بعني انو لحد هون التعلم و الاستفادة من خبرات الي حولنا اكيد برضو بستنى اي تعليق او استفسار او نصيحة و بكون شاكرة كتيير .
لسلق الدجاج :
المكونات :
- دجاجه حجمها حسب ما بتحبوا
- عود قرفة
- قطعة زنجبيل طازة متوسطة
- 3 حبات هيل
- ورقتين غار
- ثلاث حبات لومي
- ملعقتين كبار رب بندورة
- ملعقتين كبار بهارات الكبسة الجاهزة
- ملعقة صغيرة بهارات (تشكيلة البهارات حسب الرغبة)
- ملعقة كبيرة مرقة دجاج باودر (حسب الرغبة و لكنها تعزز النكهه)
- بصلة متوسطة الحجم مقشرة و مقطعة ارباع
- حبتين بندورة كبار مقطعة ارباع
- سنين ثومة وسط
- قرن فلفل حراق (حسب الرغبة)
- ملعقة ملح صغيرة (حسب الرغبة)
- ملعقتين زيت نباتي كبار
طريقة العمل :
توضع الطنجرة على النار و يضاف الزيت ثم توضع جميع المكونات و تقلب مع الزيت حتى تظهر الرائحة الطيبة جدا :D ..ثم يوضع الدجاج و يقلب جيدا حتى يتقلى قليلا و يتشرب النكهات .
يوضع ماء ساخن حتى يغمر المكونات و يسلق الداج حتى يستوي.
توضع قطع الدجاج في صينية التحمير
و تصفى المرقة من مكوناتها و مع الضغط على المكونات المتبقية في المصفاة حتى تنزل جميع نكهتها في المرقة.
انا استخدم طنجرة الضغط للسرعة ..حتى أني أجدها تساعد في استواء تشرب الدجاج لكل البهارات و المكونات ..يعني انا من فريقها في الاستخدام :)
عمل الارز :
المكونات :
- اربعة اكواب ارز بسمتي (الحبة الطويلة) مغسول و مصفى جيدا جدا جدا .
- كوب زبيب الاصفر بدون بذور
- لوز مقلي او محمص للوجه
- مرقة الدجاج
- ثلاث اكواب جزر مبشور خشن
- ثلاث حبات فلفل حلو مفروم شرائح رفيعة
- ربع كوب زيت نباتي
طريقة العمل :
يوضع الزيت في الطنجرة و يقلى بها اللوز و يصفى ، ثم يقلى بها الزبيب ، طبعا حتى ينتفخ ثم يزال مباشرة و يصفى .
هكذا يكون الزيت قد تشرب نكهة اللوز و الزبيب ثم يضاف الارز و يحمص قليلا.
ثم يضاف الزبيب و الجزر المبشور و يقلب مع الارز قليلا ثم تضاف مرقة الدجاج المسلوق حتى تغمر الارز جيدا فوق مستوى الارز ب 1.5 سم تقريبا.
يترك الارز على نار متوسطة حتى يغلي .
تخفف النار تحت الارز الى اقل درجة و يترك ليتفلفل .
يحرك الرز قليلا كل 10 دقائق بباطن ملعقة خشب بلطف حتى لا يتكسر الارز..عادة البندورة اكثر عرضة للاحتراق .التحريك يساعد في تجنب ذلك.
الاهم في ذلك استخدام طنجرة ما بلزق فيها الاكل و تكون كبيرة و اهم شيء قطرها يكون كبيرة (حتى يأخذ الرز راحته ..زعيم زمانه :D )
ممكن في ناس ما بحبوا الزبيب ..بس بالنسبة الي أزكى ما في الكبسة ..و اكيد الاكل زوق في النهاية.
اكيد ما نسيت الصلصة الحراقة و الغنية :)
الصلصة الجانبية :
المكونات :
- حبيتين بندورة وسط
- سنين تومة وسط
- 2 معلقتين كبار زيت زيتون
- نصف قرن فلفل حراق اخضر (حسب رغبة الاشتعال :D)
- ملعقة كبيرة عصير ليمون
- ملعقتين زيت زيتون
طريقة العمل :
توضع المكونات في الخلاط و تضرب الى ان تتجانس
و صحتين و عافيه :)
ازكى كبسة عالاطلاق
ردحذف