الدجاج المسحب مع البصل و البندورة

مرحبا أصدقائي ،،،

امبارح كنت عامله ملوخية و بقي عندي كمية لا بأس بها من الدجاج المسلوق و بما انه لازم اكون ست بيت شاطرة , و بما انه اليوم كمان ما في غدا لازم اعمل اشي نتغدى عليه ، اتذكرت اكله كنت انا و اخوتي نعملها ايام الجامعة في السكن ..و هي الدجاج مع البصل و البندورة .سهلة و زاكيه و سريعة أهم اشي :)

المكونات :

• ** نصف دجاجة مسلوقة و مسحبة من اللحمة و معمولة شرايح
• بصلتين وسط 
• اربع حبات بندورة وسط
• ملعقة صغير رب بندورة 
• نصف ملعقة صغيرة بهار حسب الرغبة 
• ربع كوب مرق دجاج ان وجد او مرق باودر يحل بماء ساخن 
• ملح حسب الرغبة 
• ملعقتين كبار زيت زيتون

طريقة العمل :

يقطع البصل جوانح و يذبل بالزيت على النار
ثم تضاف البندورة المقشرة و المقطعة جوانح على البصل و تسوى قليلا حتى تحتفظ بشكلها 
يضاف رب البندورة و المرق و البهار 
اخير يضاف الدجاج المسلوق و يقلب برفق مع المزيح حتى لا يتفتت 
يترك ليتسبك مع المكونات 5 دقائق ثم يقدم ساخن و يأكل مع الخبز 

** يمكن استخدام الدجاج المسحب و يمكن استخدامها دون سلق و تسويته على النار مع المكونات . و لكن هذه فكره لاستخدام بقايا الطبيخ.

و عملت جنب هالأكلة كمان شوربة الذرة ..طلعت زاكية و دافيه بهيك جو ..جربوها :)


و صحتين و عافيه  :)