معجنات السبانخ

مرحبا أصدقائي،،،
كالعادة لازم اعمل اشي حتى لو ما في وقت..بس كتير جاي على بالي قراص السبانخ ..بعملها مره بالسنه و بتجدد موعدها معي بنفس الوقت كل سنه.عملت الحشوة قبل بليلة و تاني يوم عجنت و خبزت و اكلت :)

مكونات الحشوة :

• كيلو و نص سبانخ
• معلقة كبيرة ملح
• معلقتين كبار سماق او حسب الرغبة
• شوية بهار و ملح
• شطه او فلفل حراق حسب الرغبة
• بصلتين كبار
• معلقتين كبار زيت زيتون

طريقة العمل :

تزال الاوراق غير الجيدة من السبانخ.
يفرم السبانخ خشن مثل الخس.
ثم يوضع في ماء بارد
تغير الماء عدة مرات عن السبانخ حتى تزال الاتربة و الاوساخ.يخرج من الماء كل مره شوي شوي من سطح الماء لان الاتربه تكون قد ترسبت في الاسفل.نتخلص من الماء و نضع جديد و هكذا حتى ينظف السبانخ تماما .
نضع طنجره على النار و نصع زيت الزيتون
نفرم البصلتين فرما متوسطا و نضعهم فوق الزيت و نقلب حتى يبدا البصل بالذبول.
نضيف معلقة الملح الكبيره على السبانخ و نفرك السبانخ بالملح حتى ينزل كل السوائل التي فيه و نعصر ابليدين أكثر من مره.
نضيف البصل المذبل على السبانخ 
نضيف السماق و الملح و البهار و الحراق و نقلب
تحشى **العجينه بالسبانخ حسب الرغبة و تخبز في فرن درجة حرارته 220 تقريبا و يكون محمى مسبقا .

**العجينة المستخدمة عجينة العشر دقائق




و صحتين و عافية :)