الطمرية

مرحبا أصدقائي ،،،

اجى الشتا و اجى البرد و ما في احلى من الكنكنة و الدفا و اكيد الاكلات الزاكية و السخنة :)

و الطمرية من الحلويات المعروفة بالشتا و الزاكية و التراثية عنا و بما اني بحبها كتير اجى وقتها اعملها ..

العجينة :

• كاستين طحين 
• ربع كاسة زيت نباتي
• رشة ملح
• ماء للعجن

توضع المقادير مع بعض و يضاف الماء بالتدريج لحتى تصبح لينه و لا تلزق باليد و توضع بوعاء مدهون بزيت لمدة 30على الاقل و لو توضع من الليل بكون احسن لثاني يوم.

الحشوة:

• كاسة سميد خشن 
• كاسة سكر
• 5 كاسة ماء

يوضع الماء و السميد على نارمتوسطة لحتى يغلى مع التحريك المستمر ثم يضاف السكر و يمكن وضع ماء الزهر 

تترك لحتى تتماسك مدة 4 ساعات على الاقل و يمكن تحضيرها قبل بليلة.

طريقة الحشو :

يفرد العجين و يكون رقيق جدا بمساعدة الزيت و يقسم مربعات و توضع قطعة بالوظة بكل مربع و يغلق و بعدها يضغط برفق عليه حتى تنفعص البالوظة :D .يجب تغطية البالوظة بالكامل بالعجين حتى لا تنزلق اثناء القلي .ثم توضع في زيت متوسط الى حامي نسبيا و تقلى ليصبح لونها ذهبي.

تزين بالسكر الناعم

و صحتين و عافية :)