صوص البيتزا المنزلي

مرحبا اصدقائي،،
الحمد لله الي لقيت وقت حتى اقعد لو شوي و أروق و اكتب شوي على المدونة و هذا شيء محبب الي و تغيير جو فيه من ضغط الشغل و البيت و الاولاد...
دايما بنتي سناء بتطلب مني اعملها بيتزا و هي صراحة ما بتاخد وقت لاني بعملها بعجينة العشر دقائق ،بس بحب اعمل صوص البيتزا بالبيت.و حتى ما اتغلب كل مره و انا بحضر فيه و خاصة اني بكون مستعجلة و بدي اعملها بسرعة،بختار وقت انا فاضية فية و بعمل الصوص و بحطه بمرطبان و بالفريز و لما احتاج باخد بقدر و بدوبهم ..

المكونات :

• 7 حبات بندورة متوسطة الحجم مقشره و مقطعه مربعات صغيرة جدا
• 2 بصلة متوسطة مقطعه مربعات صغيرة جدا
• 2 سن ثومة كبير مهروس جيدا 
• معلقتين كبار كتشب
• معلقتين كبار  رب البندورة
• معلقة كبيرة مرق الخضار الباودر
• معلقتين كبار اوريغانو
• ربع معلقة صغيرة ثومه باودر
• معلقة صغيرة بابريكا
• نصف معلقة صغيرة فلفل احمر باودر 
• ريحان ورقتين
• معلقة صغيرة بهارات (فلفل اسود.كزبرة ناشفة.هال.بهار حلو.قرفة،،،هذه خلطتي بنسب مختلفه و ترجع لذوق ست البيت)
• 3ملاعق كبار زيت زيتون

الطريقة :

في وعاء على نار متوسطة يوضع الزيت ثم يضاف البصل و يقلب قليلا و بعدها تضاف الثومه المفرومة و تقلب قليلا .
ثم تضاف البندورة المقطعة و تقلب جيدا الى ان تذوب.
بعدها يضاف الكتشب و رب البندورة و مرقة الخضار و البهارات و تقلب جيدا.
عندما تتسبك الصلصة على النار و تصبح لزجة يضاف الاوريغانو و يطهى قليلا .ثم نطفي النار .

اذا كان الصلصة غير متماسكة و تميل للسيولة تدوب معلقة نشا صغيرة في معلقتين كبار ماء بارد و تضاف للصلصة و تحرك جيدا حتى تتكثف

نترك الصلصة لتفتر ..و تصبح هنا صلصة جاهزة للاستخدام.

و صحتين و عافية :)