سلطة المعكرونة

مرحبا أصدقائي ،،،
حابه اغير الروتين و الاكلات الي بدها وقت و اعمل اشي سريع و زاكي ..بس اكيد لازم دسم ..لانو ما النا علاقة بالرجيم :D
سلطة المعكرونة بالميونيز زاكية و دسمة و بنقدر ناكلها كوجبة.

المكونات :

• بكيت معكرونه اشكال و ممكن معكرونه الوان كنوع من التغيير (250 غرام) مسلوقة
• نص كوب ميونيز
• ربع كوب لبن
• ربع كوب ذرة مسلوقة
• ربع كوب بازيلاء مسلوقة
• 3/4 كوب فليفلة حلوة ملونة مخلط (صفراء،حمراء،خضراء)
• ربع كوب زيتون اخضر او اسود حسب الرغبة 
• ممكن وضع سن ثومة مدقوق ناعم (حسب الرغبة) او بودرة ثوم و بودرة بصل مقدار نصف ملعقة صغيرة لكل منهما.
• ممكن وضع مثلا فاصولياء حمراء او خس او فطر.
• ملح حسب الرغبة

طريقة العمل :

نخلط الميونيز و اللبن و الملح و الثومة (انا ما اضفت الثومة حتى لا تكون نكهتها ثقيلة)
نخلط المعكرونه و باقي المكونات مع بعض
نضيف الصلصة على خليط المكونات و نقلب جيدا
و تقدم بارده.

و صحتين و عافية:)