مرحبا أصدقائي ،،،
اكيد كتير منكم بحب المعجنات لتنوع حشواتها و طرق اعدادها لتلب رغبات الجميع..لكن طريقة العشر دقائق في اعداد العجين صارت كتير من ستات البيوت تستخدمها و خاصة مع حياة السرعة و الشغل خارج البيت و الاولاد و الارهاق و التعب،فدايما تبحث ست البيت عن ابسط و اسرع الطرق..
انا بستخدمها لكل انواع المعجنات تقريبا، و بتطلع طرية كتير و زاكية...
رح احط الطريقة هون و اي وصفة تستلزم هاي العجينة ببقى اضع الرابط عندها وقتها..
المكونات :
- 5 كاسات طحين
- 1 و نص كبيرة سكر (ممكن زيادة الكمية في حالة معجنات حلوة )
- 5 معالق كبيرة حليب باودر
- 2 معلقتين كبار خميرة
- 2 كاسة ماء دافي
- 1/2 كاسة زيت نباتي (ممكن تخلط مع زيت الزيتون اذا بتحب نكهته)
الطريقة :
بنقسم الطريقة لمرحلتين..
المرحلة الاولى :
كاستين طحين (تقريبا ثلث كمية الطحين) مع الحليب الباودر و الخميرة و الماء و يخلط جيدا و يغلف الوعاء بنايلون او فوطة نظيفة و يترك في جو دافي لمدة 10 دقائق.
المرحلة الثانية :
يضاف المتبقي من الطحين و يعجن جيدا و يضاف الزيت في الاخير حتى يساعد في العجن و يمنع التصاق العجين باليد.
و هيك العجينة جاهزة ..و اكيد مستعدين للانطلاق :)
و صحتين و عافية :)
و صحتين و عافية :)
تعليقات
إرسال تعليق